Cuando nun queda más que prácticamente un año pa les próximes eleiciones autonómiques ta nidio una vez más que les promeses y compromisos col puertu de San Esteban queden otra vez __ pa prau y son un papel moyau.De lo que prometió el presidente Vicente Alvarez Areces nuna carpa, con caros videos, pinchos y autobuses pa carretar a los palmeros, nun se cumplió na. Nel puertu nun se ficieron les obres que fain falta hai décadas; y la pasarela a L'Arena, que tenía que tan fecha si nun la refugara el Presidente del Principau col sofito del Ayuntamientu de Muros, inda nun pasó del papel. El Principau sacó a información pública el proyeutu, con un presupuesto de 5,8 millones d'euros. Ye pa una pasarela en curva circular y con un tramo móvil que se levanta si pasen barcos grandes. ¿Dirá d'ésta duna vez esta histórica demanda vecinal, tantos años vetada pol Principau?

Si asina fuere quedarían en mal ]lugar de nuevo los ayuntamientos de la ría del Nalón, porque sus alcaldes siempre dixeron, pa disculpar al Principau, que nun querían la pasarela porque la prioridá yera el puertu nuevo. Y agora paez que la pasarela igual va p'alantre, pero les obres del puertu seguirán pendientes. Tampoco se instalarán los pantalanes previstos.

¿Yo que nos tienen por fatos? ¿O será que, como somos tan pocos y amás la xente vótalos igual, saben que aquí nel Baxu Nalón lo de prometer y nun cumplir nun tien consecuencias?

¿Cuando se van dar cuenta de que San Esteban tendría que ser el mayor puertu deportivo d'Asturies y que su escaezu nun ye dentender nuna autonomía con tanta falta de nueves iniciativas?

El Principau nu fai los deberes col puertu de San Esteban, col Ayuntamientu de palmeru, y agora quien pasa-ylos a la iniciativa privada. Quien privatizar los puertos asturianos, concretamente la xestión de los deportivos. Nel de

San Esteban ya hai negociaciones con un conocido empresario d'Avilés. Eso nun tien porqué ser malo, pero tampoco ye pa bendecilu ensin información afayaiza y datos pa poder tener un xuiciu equilibran. Y de momento too ye borrina y oscuridá, como cuando se mete la niebla pol puertu n'estos días d'iviernu.La privatización del puertu de San Esteban ye un tema perimportante que pide lluz, taquígrafos y tola información que precisa un ciudadano nun país democrático. Tanto por parte del Principau, como del Ayuntamientu y del Club Naútico, que ta faciendo una gran llabor y ye el primer interesan en aclariar el so futuro en relación al del puertu.